Það gerist ekki betra!

Nú er loksins búið að tengja pottinn sem við fengum okkur í fyrra. Þvílíkur lúxus. Það eina sem mig vantar núna er einhver sem kemur og þrífur húsið fyrir mig og þvær þvottinn, he he. Fyrir utan þau leiðinlegu verk hamast ég bara við að vera í sumarfríi og hef það huggulegt, busla með krökkunum í pottinum og læt sólina sleikja mig.

Svo er ég líka orðin formlega útskrifaður náms- og starfsráðgjafi. Húrra fyrir mér. Það gerðist um helgina en ég komst því miður ekki í athöfnina sjálfa. Það gerði svo sem ekki mikið til því þetta eru ömurlegar athafnir hjá Háskólanum. Hefði samt verið gaman svona upp á formlegheitin.

Annars er öllum velkomið að kíkja til mín á pallinn. Ég get svarið það að ég held að það skíni meiri sól þar en annars staðar!!

Lifið heil.

Ferðafréttir

Það var auðvitað frábært í París. Hefði mátt vera pínu heitara fyrstu tvo dagana en það var fínt veður til að labba um. Þess vegna löbbuðum við auðvitað allt of mikið og ég var alveg búin í fótunum. Svo er líka allt ógeðslega dýrt þannig að maður tímdi ekkert að hanga mikið á börunum. En þetta var samt yndisleg ferð og við skoðuðum helling og splæstum auðvitað í nokkra bjóra og smávegis hvítvín líka!!
Næst á dagskrá er svo Danmerkurferð með allri fjölskyldunni og mömmu og pabba líka. Vonandi verður bara áfram svona gott veður í Danmörku eins og verið hefur. Þangað til nýt ég bara sólarinnar á fína pallinum mínum!!