frí frí frí

Langþráð frí er upprunnið. Fór í próf á þriðjudag sem gekk ágætlega, vona ég.....Hef líka verið að fá út úr verkefnum undanfarið og gengið alveg glimrandi. Er bara ánægð með mig.

Núna ætla ég bara að klára að undirbúa jólin, svosem ekki mikið eftir því Njörður er búinn að vera svo duglegur að hjálpa til :-) Verðum hér fjögur á aðfangadag í kósýheitum og svo taka jólaboðin við eftir það. Mmmmm ég ætla að hafa það svo gott.

Óska bara öllum sem ráfa inn á þessa síðu gleðilegra jóla og gæfuríks árs. Ef þið hafið ekkert að gera yfir hátíðarnar þá er ég heima í fríi til 4. janúar he he he.

Af jólaseríum og sturtuhausum

Ég er svo löt að læra, allt nennið mitt er bara horfið. Jólaseríurnar horfa svo stíft á mig og nauða í mér að verða hengdar upp í gluggana til að lífga mig við í skammdeginu. Ég verð auðvitað að hlýða blessuðum seríunum og því fá bækurnar pásu á meðan. Svo hellist samviskan yfir mig. Hvað er ég að eyða tíma í eitthvað allt annað en það sem er nauðsynlegt? Auðvitað kalla helv. bækurnar miklu hærra en seríurnar. En.....jólaseríur eru bara svo yndislega fallegar og skemmtilegar. Þær lífga mig við og gera mig glaða. Það gera bækurnar ekki þessa stundina, þær eru orðnar hálfgerð kvöð og eru bara fyrir mér í jólaundirbúningnum. Ég reyni þó.......

Annars brugðum við hjónin okkur í bæjarferð um helgina og keyptum okkur þetta dýrindis sturtusett. Nýjan stóran ömmu sturtuhaus og ný blöndunartæki. En í gær fór ég í ískalda sturtu!!! Já já, það er ekki að spyrja að því hvað lukkan eltir mig þessa dagana. Ekki það að sturtan sem slík hafi ekki virkað. Heldur þolir gamli góði vatnshitarinn ekki allan þennan kraft í nýju tækjunum og gusar því bara köldu vatni á okkur. Já, það er gaman að vera til!!