Ætlaði að skrifa um hvað þessir vesling nemendur mínir eru tillitslausir og óforskammaðir, en af því að það eru að koma jól og ég alveg að komast í jólafrí þá ætla ég að sleppa því í þetta skiptið.
Meira segja að eftir að hafa skammað þau hræðilega í gær þá hafði ég meira að segja video tíma í dag. Svona get ég nú verið góðhjörtuð. Muahahahaha.
Já svo eru bara 8 dagar í jólin. En ekki örvænta. Jólin koma þó svo að það hafi gleymst að kaupa gjöf fyrir tengdó eða þótt það hafi gleymst að skrifa nokkur jólakort. ( vona samt að ég hafi ekki gleymt neinum.)
Bara tveir vinnudagar eftir hjá mér. Gaman gaman.

Um helgina...

- ætlaði ég að hafa það náðugt
- fór ég á jólahlaðborð
- borðaði ég góðan jólamat
- drakk ég bjór (samt ekki jólabjór)
- stal einhver óprúttinn kennari breezernum mínum (sveiattann)
- fór ég í partý
- horfði ég á þrítugar stelpur yngjast um helming þegar þær komust á sjéns (frekar fyndið)
- fór ég með börnin á jólaball
- hlustaði ég á foreldra mína syngja undursamleg jólalög (þau eru sko í kór)
- borðaði ég fullt af girnilegum kökum
- fékk ég enn meiri kökur hjá tengdó
- horfði ég á uppáhalds þáttinn minn (Rock Star INXS)
- hélt ég áfram að láta mig hlakka til jólanna!!!

Já ég vild'að alla daga væru jóóóól

Merkilegt, að þegar maður hefur allan heimsins tíma til að vafra um á netinu þá getur mér ekki dottið ein einasta skemmtileg síða í hug til að skoða. Er nefnilega að vinna við félagsmiðstöðina og get því setið við tölvuna á meðan allir eru prúðir og stilltir. Já það koma tímar þar sem börnin geta verið stillt. En þá eru þau í tölvuverinu límd við einhverja leiki. Væri kannski sniðugt ef þið gætuð sagt mér hvað væri hægt að skoða sér til gamans.

Annars bara allt gott að frétta, alltaf á rúntinum. Þarf reyndar nauðsynlega að fara að selja hinn bílinn minn því buddan er ekki feit þessa dagana.

Er farin að telja dagana þar til ég fer í jólafrí. Bara 8 vinnudagar eftir. Ohh ég ætla að hafa það svo gott með fjölskyldunni. Á þessum árstíma er yndislegt að vera kennari, fín desemberuppbót og langt jólafrí. Fer í jólafrí sama dag og Daníel svo það þarf ekkert að redda honum. Svo fær Jónína litla smá aukafrí frá leikskólanum. YYYYYndislegt!!!!

Jæja mínir kæru æstu aðdáendur, ég veit að ég hef verið skelfilega löt við að skrifa en hef þess í stað verið mun duglegri við að eyða peningum, já og það mikið af þeim. Hef meira að segja eytt allsvakalega um efni fram. Við hjónakornin tókum nefnilega upp á því brjálæði að kaupa okkur jeppa. Það er sko enginn jepplingur heldur alvöru Nissan Terrano. Ekki það að við séum neitt alvöru jeppafólk en það má alltaf reyna. Nú er bara rifist um hver á að keyra í hvert sinn sem fjölskyldan fer á rúntinn því það er svakalega gaman að keyra þennan bíl.
En ekki nóg með að við höfum keypt okkur nýjan bíl heldur þurftum við að vera svolítið flott á því innandyra líka og keyptum okkur nýtt sófasett. Nei við unnum ekki í happdrætti, við erum bara svolítið klikkuð. En mér finnst gaman að vera klikkuð þegar ég á svona hluti skilið.

Svo er bara jólaundirbúningur í fullum gangi. Búin að baka piparkökur og piparkökuhúsið er í byggingu. Ætla svo í bæinn á morgun og reyna að versla einhverjar jólagjafir. Ætla að reyna að klára þetta allt sem fyrst.

Er annars að fara að horfa á uppáhlds þáttinn minn á skjá einum. Rockstar INXS. Mjög skemmtilegur þáttur með frábærum lögum sem ég fíla. Ég held sko með Jordis, hún er með geggjaða rödd og ef hún vinnur ekki er eins gott að hún fari í sóloferil. Þá ætla ég allavega að kaupa plötuna hennar.

Já og Golfinn minn er enn til sölu, búið að setja nýja tímareim og alles, alveg í toppstandi. Þarf bara að koma honum frá mér ca. 350.000 gjafverð!!!